Aziz va Qadrdon talabalar!

Talabalik — hayotning oltin davri. Talabalik davri hammaga ham nasib etavermaydi. Demak bu baxt, bu sinov, bu omad, bu mas’uliyat, bu puxta bilim egallash pallasi. Bilim sari yo‘l esa  qiyin va murakkab bo’ladi. Ammo men sizlarni o‘z sohangizning mahoratli ustasi bo'lishingizga doim ishonaman. Mahorat esa talabalik yillarida olingan bilimlarga asoslanadi. Bu davrda asos solingan kuchli poydevor natijasida siz farovon hayotni qurishingiz mumkin.  

Aziz talabalar, Siz yurtimiz kelajagisiz! 
Uzoq hayot safarining boshida turibsiz. Uni to‘g‘ri boshlang.

Talabalik yillaringiz beg‘ubor o‘tsin! Hayotingiz uchun yoqimli xotiralar qoldiring. Sizlarga omad, kuch-g'ayrat, ijodiy g‘oyalar, yuksak maqsadlar, yorqin taassurotlar, hayot ufqidagi yorqin istiqbollarni tilayman!

Bayramingiz muborak bo‘lsin!

Sadoqat Siddiqova 
Buxoro muhandislik-texnologiya instituti rektori