Tavsiya asosida o`qishga qabul qilish

E ‘ L O N ! 

Buxoro muhandislik-texnologiya institutiga 2023-2024 o’quv yilida iqtisodiyot tarmoqlarida kamida besh yil ish stajiga ega  bo’lgan fuqarolarni sirtqi ta’lim shakliga to’lov-kontrakt asosida o’qishga qabul qilish uchun hujjatlarini topshirish  jarayoni 2023 yil 15 sentyabr kuni, soat 14:00 ga qadar 2-o’quv laboratoriya binosi 1-qavat qabul komissiyasida amalga oshiriladi. Vazirlar Mahkamasining 2021-yil 4-noyabrdagi 675-son qarori bilan tasdiqlangan “Iqtisodiyot tarmoqlarida kamida besh yil ish stajiga ega bo‘lgan fuqarolarni sirtqi va kechki ta’lim shakliga suhbat natijalariga ko‘ra tabaqalashtirilgan to‘lov-kontrakt asosida o‘qishga qabul qilish tartibi to‘g‘risida”gi Nizomga asosan talabgorlarning hujjatlari o’rganilib, suhbat komissiyasiga taqdim etilishi lozim. 

Besh yil ish stajiga va tavsiyanomaga ega bo’lgan fuqarolarni sirtqi ta’lim shakliga to’lov-kontrakt asosida o’qishga qabul qilish uchun suhbat 15-sentabr kuni soat 14:00 da institutning 2 – o‘quv binosi 200, 201, 202, 203 auditoriyalarida bo‘lib o‘tadi!

Izoh: Talabgorlardan o’zining  yig’ma  jildini ko’rsatilgan barcha hujjatlari bilan to’liq rasmiylashtirib olib kelishlari so’raladi.

Talabgorlar ta’lim muassasasining qabul komissiyasiga quyidagi hujjatlarni 

TAQDIM ETADILAR:

1. Ta’lim yo’nalishi, o’quv tili, shakli ko’rsatilgan holdagi ariza;

2. Umumiy o‘rta ta’limni (11-sinf negizida) tugatganligi haqidagi hujjat yoki o’rta maxsus, kasb-hunar ta’limi muassasasini tugatganligi haqidagi hujjat va uning ilovasi  asl nusxalari;

3. Pasport (pasport nusxasi 4 dona) va harbiy xizmatga aloqadorligi haqidagi hujjat nusxasi (Pasport hamda harbiy xizmatga aloqadorligi haqidagi hujjat shaxsan ko’rsatiladi). 

4. 3,5 x 4,5 sm hajmdagi 12 dona rangli fotosurat;

5. Mehnat daftarchasidan belgilangan tartibda tasdiqlangan ko’chirma.

6. Abiturientning ishlab turgan joyi bo’ysunuvchi vazirlik yoki idora yoki yirik xo’jalik birlashmasidan belgilangan shakldagi  tavsiyanoma;

7. Tavsiyanomaga ega bo’lgan abiturientning ishlab turgan joyi bo’y sunuvchi vazirlik yoki idora yoki yirik xujalik birlashmasi tomonidan talabaning butun o’qishi (sirtqi ta’lim shakli uchun 5 yil, kechki ta’lim shakli uchun 4,5 yil) uchun to’lov shartnoma mablag’larini o’z vaqtida to’lab berish bo’yicha kafolat xati.

  Buxoro muhandislik-texnologiya institutiga 2023-2024 o’quv yilida tavsiya asosida o'qishga qabul qilinganlar natija