Neft-gaz texnologiyasi fakulteti

“Neft-gaz texnologiyasi” fakulteti 2013-yil 15-apreldagi O‘zbekiston Respublikasi Prezidentining №PQ-1954 “Buxoro muhandislik-texnologiya institutini tashkil etish to‘g‘risida”gi Qarori asosida “Neft va gaz sanoati” fakulteti negizida tashkil topgan. 

Hozirgi kunda fakultetda 50 ta akademik guruhda 1041 nafar talaba tahsil olib kelmoqda. 

Fakultetda 12 nafar tayanch doktorant, 22 nafar mustaqil tadqiqotchi va 30 nafar doktorant ilmiy izlanishlar olib bormoqda.

Jami fakultetda: 80 nafar professor–o‘qituvchi faoliyat ko‘rsatadi, jumladan, ilmiy darajali o‘qituvchilar 50 nafar bo‘lib, shundan 9 nafari fan doktori, professorlar bo‘lib ilmiy salohiyat 70% tashkil etadi. 

Fakultetda 60720900 – Neft-gazkimyo sanoati texnologiyasi va 60721800 – Neft va gaz ishi (Neft va gaz konlarini ishga tushirish va ulardan foydalanish) yo‘nalishlari bo‘yicha bakalavr talabalari hamda 70720901 – Kimyoviy va neft-gazkimyoviy texnologiyalar, 70721103 – Neft va gazni qayta ishlash jarayonlari va apparatlari, 70721102 – Neft va gazni qayta ishlash va kimyoviy texnologiyasi va 70721802 – Neft va gaz konlari mashina va jihozlaridan foydalanish mutaxassisliklari bo‘yicha magistratura talabalari tahsil olishadi.

I.M.Gubkin nomidagi Rossiya davlat neft va gaz universiteti “Neftni qayta ishlash texnologiyasi” kafedrasi mudiri t.f.d., prof. V.M.Kapustin va kafedra professori O.F.Glagolevalar 5321400 – Neft-gazkimyo sanoati texnologiyasi bakalavriat ta’lim yo‘nalishi 3- va 4-kurs talabalariga “Neft va gazkondensatni qayta ishlash texnologiyasi” fanidan master klasslar o‘tkazishdi. 

Fakultetda ta’lim va ishlab chiqarish integratsiyasini rivojlantirish maqsadida Buxoro neftni qayta ishlash zavodi MChJ, Muborak gazni qayta ishlash zavodi, Sho‘rtan gazkimyo majmuasi MChJ, “Uzbekistan GTL” MChJ, Neftgaztadqiqot AJ, Gazli neftgazqazibchiqarish MChJ, Gazli magistral gazquvurlari boshqarmasi, Buxoro neftbazasi MChJ, Buxoro viloyati hududiy gaz ta’minoti kabi ishlab chiqarish korxonalari bilan hamkorlik aloqalari o‘rnatilgan.

5321400 – “Neft-gazkimyo sanoati texnologiyasi” ta’lim yo‘nalishi talabalari 29 noyabr 2019 yil “Uzbekistan GTL” Kompaniyasining stipendiya dasturi doirasida o‘tkazilgan tanlovda ishtirok etib “Uzbekistan GTL” Kompaniyasining stipendiyasi sovrindorlari bo‘ldilar. Murodova Yulduz Malikjon qizi va Nuraddinov Nuraddin Odamboy o‘g‘li

2021 yilda 203-17 NGT guruh talabasi Radjabov Alisher Erkinovich, 216-17 NGT guruh talabalari Bahronov Javohir Shokir o‘g‘li, Allanazarov G‘anisher Ortiq o‘g‘li “Uzbekistan GTL” Kompaniyasining stipendiyasi sovrindorlari bo‘ldilar.