Kimyoviy va oziq-ovqat texnologiyalari fakulteti

Institut rektorining 2017-yil 07-avgustdagi №126-U(02) sonli buyrug‘iga asosan “Kimyoviy va oziq-ovqat texnologiyalari” fakulteti tashkil etildi. 

Fakultetning mutaxassis kadrlar tayyorlaydigan kafedralari bilan ishlab chiqarish korxonalari o‘rtasida doimiy hamkorlik yo‘lga qo‘yilgan va korxonalarda kafedra filiallari tashkil qilinib, talabalar darsdan bo‘sh vaqtlarida korxonalarga borib darsda o‘rgangan nazariy bilimlarini amaliyotda bajarib o‘z bilimlarini mustahkamlamoqdalar. Bundan tashqari ishlab chiqarish korxonalaridan mutaxassislar ta’lim jarayonida jalb qilingan.

Ishlab chiqarish korxonalaridan mutaxasislar bitiruvchi kurs talabalarining dars jarayoniga bevosita ishtirok etib, ularni bilimlarini o‘rgangan holda, ular bilan qonuniy shartnomalar imzolab, bitiruv oldi amaliyotini o‘z korxonalarida o‘tashlari uchun barcha shart-sharoitlar yaratib bermoqdalar. Ishlab chiqarish korxonalari rahbarlari amaliyot davrida o‘zini bilimi va salohiyatini ko‘rsata olgan talabalarni ish bilan bandligini ta’minlamoqda.  

Hozirgi kunda  fakultetda 60720100 – Oziq-ovqat texnologiyasi (mahsulot turlari bo‘yicha), 60711300 - Metrologiya, standartlashtirish va mahsulot sifati menejmenti, 60720200 - Yog‘lar, efir moylari va parfumeriya-kosmetika mahsulotlari texnologiyasi, 61010200 - Aholi va turistlarga xizmat ko'rsatishni tashkil etish servisi, 60720500 - Funksional ovqatlanish va bolalar mahsulotlari texnologiyasi, 60710100 - Kimyoviy texnologiya (ishlab chiqarish turlari bo‘yicha), 60710300 - Matbaa va qadoqlash jarayonlari texnologiyasi, 60720300 – Vinochilik texnologiyasi, bijg‘ish mahsulotlari va alkogolsiz ichimliklar texnologiyasi, 60720400 – Konservalash texnologiyasi, 60811300 – Qishloq xo‘jalik mahsulotlarini saqlash va qayta ishlash texnologiyasi (mahsulot turlari bo‘yicha) va 60811800 –Meva va uzumchilik yo‘nalishlari bo‘yicha bakalavriat talabalari tahsil olishadi. 

Fakultetni 40 yillik tajribaga ega, ilmiy salohiyati  xorij oliy ta’lim muassasalarida  ham tan olingan t.f.n., dotsent R.T.Adizov boshqarib kelmoqdalar.

FAKULTET KAFEDRALARI

FAKULTETNING BAKALAVRIATURA YO‘NALISHLARI

FAKULTETNING MAGISTRATURA MUTAXASSISLIKLARI

   Fakultetda jami 2335 nafar talabalar 2023-2024 o‘quv yilidan boshlab tegishli bakalavriat ta’lim yo‘nalishlari bo‘yicha tahsil olib kelishmoqda. 

Fakultetimiz dekani t.f.n, dotsent R.T.Adizov jamoa bilan birgalikda joriy o‘quv yilida 5 nafar fan doktori professor, 6 nafar fan doktori (DSc), 23 nafar falsafa doktori (PhD) tayyorlangan.

 Professor-o‘qituvchilar tomonidan esa  23 ta darslik, 66 ta monografiya va 27 ta o‘quv qo‘llanma va 18 ta uslubiy qo‘llanma chop etildi va 45 ta elektron darsliklar yaratilgani talabalarimizning asosli bilim olishlari uchun keng imkoniyatdir. 

4 ta patent,  46 ta foydali modellar uchun guvohnomalar olinganligi barchamizning yutug‘imizdir.