Aziz ustoz va murabbiylar!

 Yer yuzida jamiki inson borki, uning kamolotida, shaxs sifatida shakllanishida va jamiyatda oʻz oʻrnini topishida Siz azizlarning mehnatingiz, oʻrningiz beqiyos. Zahmatkash, fidoyi muallim va oʻqituvchilar oʻz shogirdlariga nafaqat bilim beradilar, balki ular qalbiga insonga xos ezgu fazilatlarni singdirib boradilar. Shogirdi vatanparvar, mehr-oqibatli, sadoqatli, mehnatsevarlik singari xislatlar bilan ulgʻayishini istab turli pand-nasihatlar beradi, toʻgʻri yoʻl koʻrsatadi.

 Hayotda turli yoʻnalishlarda yutuqlarga erishib kelayotgan, yuksak marralarni zabt etayotgan yoshlarning muvaffaqiyatida tabiiyki, sizlarning beminnat mehnatlaringiz samarasi mujassam.

  Sizlarni bugungi kasb bayramingiz bilan chin dildan muborakbod etaman! Shu sharafli yo‘lda olib borayotgan olijanob faoliyatingizda va shaxsiy hayotingizda yangi yutuq va omadlar tilayman. Xonadonlaringizga doimo tinchlik-xotirjamlik, fayzu baraka yor bo‘lsin! Hamisha sog‘-omon bo‘ling, aziz ustoz va murabbiylar!