Oliygohimizga Germaniyaning “SEIT for tomorrow GmbH” tashkiloti a’zolari tashrif buyurdi.

 Yoshlarni ish bilan ta’minlash, Germaniyada bir qator sohalardagi bo‘sh ish o‘rinlari bilan tanishtirish maqsadida institutimiz talaba-yoshlari, fakultet rahbariyati hamda germaniyalik delegatsiya ishtirokida uchrashuv bo‘lib o‘tdi.

“SEIT for tomorrow GmbH” tashkiloti rahbari Niels Gerdemann so‘zga chiqib, Germaniyada mavjud bo‘lgan bo‘sh ish o‘rinlari, yo‘nalishlari, nemis ish beruvchi kompaniyalari, buxorolik yoshlarning Germaniyada ishlash imkoniyatlari, nemis tili o‘rganish  to‘g‘risida to‘xtalib o‘tdi.