Buxoro muhandislik-texnologiya instituti ma'muriyati va kasaba uyushma qo‘mitasi o‘rtasida 2023-2025 yillar uchun tuzilgan Jamoa shartnomasiga qo‘shimchalar kiritishga bag‘ishlangan konferensiya bo’lib o’tdi.
Bosh sahifa Buxoro muhandislik-texnologiya instituti ma'muriyati va kasaba uyushma qo‘mitasi o‘rtasida 2023-2025 yillar uchun tuzilgan Jamoa shartnomasiga qo‘shimchalar kiritishga bag‘ishlangan konferensiya bo’lib o’tdi.
Bugun Buxoro muhandislik-texnologiya instituti ma'muriyati va kasaba uyushma qo‘mitasi o‘rtasida 2023-2025 yillar uchun tuzilgan Jamoa shartnomasining 2023-yilda bajarilishi va 2024-yil uchun jamoa shartnomasiga qo‘shimchalar kiritishga bag‘ishlangan konferensiya bo’lib o’tdi.
Unda Buxoro muhandislik-texnologiya instituti ma'muriyati hamda institut xodimlar va talabalar kasaba uyushma qo‘mitasi o‘rtasida 2023-2025 yillar uchun tuzilgan jamoa shartnomasining 2023- yilda bajarilishi bo‘yicha institut rektori va kasaba uyushma qo‘mitasi raisining hisobotlari tinglandi.
Shuningdek, mehnat qonunchiligi, mehnatni va atrof-muhitni muhofazalash qonunlari, qoidalari va me’yorlariga rioya etilishi bo'yicha mas'ullar so'zga chiqishdi.
Buxoro muhandislik-texnologiya instituti rektori Sadoqat Siddiqova:
-Yoshlarimizni bilimli mutaxassis kadrlar etib tarbiyalash, ularni har tomonlama komil inson bo‘lib voyaga yetishishi uchun muhtaram Prezidentimiz tomonidan hamma sharoitlar yaratib berilmoqda. Bu borada institut rahbariyati va kasaba uyushma qo‘mitasi ijtimoiy sherikchilik tamoyillariga amal qilib ularni har tomonlama qo‘llab-quvvatlash, jamoada sog‘lom muhitni barqarorlashtirish ishlariga doimo hamkorlikda faoliyat yuritmoqlari zarur deb hisoblayman.
O‘tgan davr mobaynida jamoa shartnomasiga asosan professor-o‘qituvchilarni moddiy rag‘batlantirish, ularga ustama haq belgilash va moddiy yordam ko‘rsatish kasaba uyushma qo‘mitasi qaroriga muvofiq amalga oshirilmoqda. Kelgusida xodimlar mehnatini munosib rag’batlantirish, ularning shaxsiy rivojlanishi va salohiyatini oshirishi uchun yanada kengroq imkoniyatlar yaratiladi.