Xorijiy tillar kafedrasi

Buxoro muhandislik-texnologiya instituti

“Xorijiy tillar” kafedrasi

Kafedra tarixi

Rus va chet tillari (Xorijiy tillar) kafedrasi 1969 yil 1 sentabrda A.Beruniy nomidagi Toshkent politexnika institutining Buxorodagi kechki fakulteti negizida tashkil etilgan. Birinchi kafedra mudiri etib, f.f.n., dotsent N.T. Pak tayinlangan. 1978 yilda   Toshkent politexnika institutining filiali Buxoro oziq-ovqat va yengil sanoat texnologiyasi institutiga aylantirilgandan so’ng,  kafedra mudiri vazifasida M.M.Jamolova, p.f.n., dotsent L.N.Zaxarov, f.f.n., dotsent Q.B.Shodmonov, f.f.n., dotsent S.N.Nayimovlar faoliyat ko’rsatib kelganlar.

2019 yil 27 avgustdan institut rektori buyrug‘iga asosan “Xorijiy tillar” kafedrasi nomi bilan faoliyat olib bormoqda. Hozirgi vaqtda kafedrani Qurbonov Anvar Qulmurodovich boshqarib kelmoqda.

 

                                     Kafedraning professor-o’qituvchilar tarkibi

Kafedrada 2 nafar filologiya fanlari bo’yicha falsafa doktori (PhD), 9 nafar katta o’qituvchi va 13 nafar o’qituvchilar  Ingliz, Nemis va Fransuz tillaridan amaliy mashg‘ulotlari o‘tib kelmoqdalar.

O‘zbekiston Respublikasining «Ta’lim to‘g‘risida»gi Qonuni hamda Kadrlar tayyorlash milliy dasturini amalga oshirish borasida chet tillarga o‘qitishning kompleks tizimi, ya’ni uyg‘un kamol topgan, o‘qimishli, zamonaviy fikrlovchi yosh avlodni shakllantirishga, respublikaning jahon hamjamiyatiga yanada integratsiyalashuviga yo‘naltirilgan tizim yaratildi.

Zamonaviy pedagogik va axborot-kommunikatsiya texnologiyalaridan foydalangan holda o‘qitishning ilg‘or uslublarini joriy etish yo‘li bilan, o‘sib kelayotgan yosh avlodni chet tillarga o‘qitish, shu tillarda erkin so‘zlasha oladigan mutaxassislarni tayyorlash tizimini tubdan takomillashtirish hamda buning negizida, ularning jahon sivilizatsiyasi yutuqlari hamda dunyo axborot resurslaridan keng ko‘lamda foydalanishlari, xalqaro hamkorlik va muloqotni rivojlantirishlari uchun shart-sharoit va imkoniyatlar yaratilgan.

«Xorijiy tillar» kafedrasi professor-o‘qituvchilari tomonidan quyidagi fanlardan amaliy mashg‘ulotlari o‘tib kelinmoqda:

  • Ingliz tili;
  • Nemis tili;
  • Fransuz tili;

Ushbu fanlardan mashg‘ulotlarni o‘tkazish uchun kafedrada moddiy-texnik baza mavjud. Jumladan, kafedra institutning 4- o‘quv binosida joylashgan bo`lib, o‘quv xonalari hozirgi davr talabiga, ya’ni talabalar tomonidan tillarni mukammal o‘rganishlari uchun barcha texnika vositalari va o‘quv jihozlari bilan jihozlangan.

Bundan tashqari kafedra qoshidagi chet tillarga ixtisoslashtirilgan o‘quv adabiyotlar bilan ta’minlangan axborot –resurs markazi uzluksis xizmat ko‘rsatmoqda. Kutubxonada talabalarga chet tillarni mukammal o‘rganishlari uchun barcha sharoitlar yaratilgan. Kafedra o‘quv xonalarining har birida internet ulangan bo‘lib, professor-o‘qituvchilar dars jarayonida har bir til ko‘nikmalarini mustahkamlash uchun bemalol foydalanishlari mumkin.

Kafedra Toshkent shahrida joylashgan xorijiy davlatlar elchixonalari bilan aloqa o‘rnatgan va ular kafedrani har xil turdagi o‘quv adabiyotlar bilan ta’minlab kelmoqda.

2017 yil 20 aprelda qabul qilingan O‘zbekiston Respublikasi prezidentining “Oliy ta’lim tizimini yanada rivojlantirish chora-tadbirlari” to‘g‘risidagi PQ-2909-sonli qarori ijrosini ta’minlash maqsadida, 2019-2020 o‘quv yilida “Xorijiy tillar” kafedrasida AQSh elchixonasi bilan xamkorlik doirasida AQShlik Karolina Myurrey,

2020-2021 o‘quv yilida esa Miss Zoe Rendall  o‘z faoliyatini boshladi. Uni o‘quv jarayoniga jalb etishdan maqsad talabalarni chet tiliga, ayniqsa ingliz tiliga qiziqishlarini oshirish, talabalar bilimini oshirish va ularni til o‘rganilayotgan mamlakat vakillarini nutqini amalda tinglab tushunishdir.

Kafedra o‘qituvchilari “Xorijiy til o‘quv adabiyotlarining yangi avlodini yaratish” mavzusida ilmiy-tadqiqot ishlarini olib bormoqdalar. Shu mavzu asosida quyidagi ishlar amalga oshirilgan va sertifikatlar olingan. Kafedra o`qituvchilari, PhD, M.B.Barotova tomonidan “Dictionary of literary terms”, M.A. Mamedova tomonidan “Dictionary of Homonyms”, katta o`qituvchi Sh.M.Tillayeva tomonidan “Professional progress” kabi ko`pgina adabiyotlarining yangi avlodi yaratilgan.

Bundan tashqari, kafedra o‘qituvchisi S.Dj.Muxamedjanova O‘zbekiston Respublikasi Prezidentining 2017 yil 20 apreldagi“Oliy ta’lim tizimini  yanada rivojlantirish chora-tadbirlari to‘g‘risida”gi PQ-2909 sonli qaroni ijrosini ta’minlash maqsadida  2019 yil O‘zDJTU xuzuridagi Chet tillarni o‘qitishning innnovatsion metodikalarini rivojlantirish Respublika ilmiy-amaliy markazi va Britaniya  Kengashi tomondan O‘zbekistonda nofilologik oliy ta’lim muassasalarining ingliz tili o‘qituvchilarining o‘zaro tajriba almashish guruxi (UzTESPING) loyixasi doirasida  tashkil etilgan seminar-treyninglarda qatnashib, sertifikat bilan taqdirlandi. Hozirda to’hlangan materiallar asosida yaratilgan qo’llanma nashrga tayyorlanmoqda.

                                                                     

2020 yilda kafedra a’zolari tomonidan chop etilgan ilmiy maqolalar

2020 yilda kafedra o‘qituvchilaridan S.J.Kamolova va M.B.Barotovalar filologiya fanlari falsafa doktori (Ph.D) ilmiy darajasini ega bo’ldilar, M.A.Radjabova, S.Dj.Muxamedjanova, Sh.B.Yusupova, N.R.Alimova, R.F.Norovalar ushbu yo’nalishda ilmiy-tadqiqot ishlari olib bormoqdalar. Tadqiqotchilarning ilmiy izlanishlari natijalari kafedra yig‘ilishlarida muhokama qilinib borilmoqda.

Kafedra a’zolari tomonidan “maktab – oliy ta’lim muassasi” hamkorligi doirasida umumta’lim maktablarida 9-11 sinf o‘quvchilari bilan seleksiya ishlarini amalga oshirish maqsadida biriktirilgan maktablarga borib uchrashuvlar va ochiq darslar o‘tkazmoqdalar va uslubiy yordam ko‘rsatmoqdalar.

Buxoro muhandislik-texnologiya instituti akademik litseyi va “Xorijiy tillar” kafedrasi o‘rtasida tuzilgan shartnomaga asosan “umumta’lim” fanlar bo‘yicha ilmiy-uslubiy ehtiyojlarni qondirish maqsadida amaliy yordam ko‘rsatilib kelinmoqda.

«Xorijiy tillar» kafedrasi professor-o‘qituvchilari O‘zbekiston Respublikasining 2030 yilgacha oliy talim tizimini rivojlantirish konsepsiyasida belgilangan vazifalarni bajarish uchun barcha bilim, kuch va ko‘nikmalarini sarflaydilar va institutimizni dunyo reytingida mingta yuqori oliy yurtlari safidan o‘rin olishi uchun astoydil xizmat qiladilar.