Milliy iqtisodiyotni barqaror rivojlantirish, uning tarmoqlarida ishlab chiqarish surʼatlari o‘sishiga erishish, mamlakatning xalqaro raqobatbardoshligini oshirishda ko‘p jihatdan iqtisodiy yo‘nalishlarda taʼlim olayotgan kadrlar muhim omil hisoblanadi. Ularni yetuk mutaxassis qilib tarbiyalashda institutda tashkil etilgan iqtisodiyot yo‘nalishidagi kafedralarning hissasi kattadir. Ushbu kafedralarning tashkil etilish tarixi va rivojlanishi 20 asrlarning ikkinchi yarmiga borib taqaladi. Birinchi marta “Iqtisodiyot” kafedrasi 1969 yilning 1sentyabrida Toshkent Politexnika Institutiga qarashli Umumtexnika fakulteti qoshida tashkil topgan. 1978 yil 1sentyabriga kelib esa Buxoro oziq-ovqat va yengil sanoati instituti huzurida yanada takomillashgan “Siyosiy iqtisod” kafedrasi nomi bilan ishlay boshladi. Kafedra mudiri dotsent S.I.Bobojonov (marhum) boshchiligida 7 nafar malakali mutaxassislar ilmiy o‘quv va jamoat ishlari bilan shug‘ullandilar. 1980 yil 1 sentyabrga kelib jamoaning tarkibi yanada kengayib, 9 kishiga yetdi va bu kafedra 1997 yilga qadar faoliyat ko‘rsatdi.
“Ishlab chiqarish va boshqarish” kafedrasi 1993-yilda “Iqtisod, ishlab chiqarishni tashkil etish va rejalashtirish” kafedrasi bazasida tashkil qilindi. Kafedraning asosiy vazifasi oziq-ovqat korxonalariga mutaxassislarni tayyorlashda iqtisodiy bilimlar berish va shu yo‘nalishlar bo‘yicha ilmiy tadqiqot ishlarini olib borish bilan belgilandi. 1997 yilga kelib kafedra “Iqtisodiyot nazariyasi va marketing” nomi bilan atalib, dotsent O.M.Hamroqulov (marhum) mudir qilib tayinlandi. 1998 – 1999 o‘quv yili boshida “Iqtisodiyot” va “Marketing” kafedralari alohida – alohida faoliyat ko‘rsata boshladi. “Iqtisodiyot” kafedrasi mudiri etib dotsent Z.M.Abdullayeva, “Marketing” kafedrasi mudiri etib esa dotsent O.M.Hamroqulovlar tayinlandilar. 2001 yilning 29 dekabrida “Iqtisodiyot” va “Marketing” kafedralari birlashtirilib “Marketing va Iqtisodiyot” deb, 2003 yil sentyabr oyidan boshlab esa, “Marketing” deb nomlandi. 2010 yildan 2011 yil sentyabrgacha “Menejment” kafedrasini dotsent Ro‘ziyeva D.I., “Marketing” kafedrasini dotsent B.F.Azimov boshqarib keldi. 2013 yilning 15 aprelidan boshlab O‘zbekiston Respublikasi Prezidentining “Buxoro muhandislik-texnologiya institutini tashkil etish” to‘g‘risidagi PQ-1954 qaroriga asosan kafedraning nomi “Menejment” kafedrasi deb o‘zgartirildi va kafedra o‘z faoliyatini 2021 yil 15 sentyabrgacha davom ettirdi. Buxoro muxandislik texnologiya instituti rektorining 2021 yil 15 sentyabrdagi № 499-U sonli buyrug‘iga asosan “Iqtisodiyot” kafedrasi “Menejment” kafedrasidan ajralib chiqdi hamda alohida kafedra sifatida faoliyat yurita boshladi. “Iqtisodiyot” kafedrasi institut 2-binosining 3 qavatida joylashgan. Kafedrada umumiy tarzda 15 ta pedagog-xodimlar ishlab kelmoqda, shulardan: 5 ta i.f.n., dotsent, 7 ta katta o‘qituvchi, 1 ta assistent, 2 ta o‘qituvchi stajer, 1 ta tashqi o‘rindosh. Kafedraning ilg‘or pedagog-xodimlari: Ochilov SH.B., Azimov B.F., Xasanova G.D., Boboyev A.CH. ilmiy izlanishlar olib borib, turli yillarda nomzodlik dissertatsiyalarini himoya qildilar. Kafedraning ilmiy salohiyati 33% ni tashkil etadi. Hozirda ilmiy salohiyatni yanada oshirish borasida bir qator pedagog xodimlar ilmiy mavzular bo‘yicha izlanishlar olib borishmoqda. “Iqtisodiyot” kafedrasi pedagog-xodimlari tomonidan har yili elektron darsliklar, oliy o‘quv yurtlari uchun o‘quv qo‘llanmalar va darsliklar, monografiyalar tayyorlab kelinmoqda. Jumladan oxirgi yillarda dots. Boboyev A.CH. tomonidan “Iqtisodiy geografiya va ekologiya” nomli o‘quv qo‘llanma, dots. Xayitov SH.N. va Boboyev A.CH, katta o‘qituvchilar Yuldasheva S.N. va Muxsinov B.T. lar tomonidan “O‘zbekistonda soliq tizimi va xususiy tadbirkorlik” nomli o‘quv qo‘llanma, prof. Nizamov A.B. va katta o‘qituvchi Raxmatov SH.A. tomonidan “Oliy taʼlim muassalarida innovatsion tadbirkorlik faoliyatini rivojlantirish” nomli o‘quv qo‘llanma, katta o‘qituvchilar Rasulova N.N. va Jumayeva Z.Q. lar tomonidan “Soha iqtisodiyoti va menejmenti” fanidan o‘quv qo‘llanmalar chop etildi. Kafedra pedagog xodimlari qator elektron darsliklar uchun mualliflik huquqlariga ega. Bular: “Innovatsion tadbirkorlik faoliyati”, “Iqtisodiy geografiya va ekologiya”, “Soha iqtisodiyoti va menejmenti”, “Iqtisodiyot nazariyasi”, “Kichik biznes va tadbirkorlik”, “Korxona iqtisodiyoti”, “O‘zbekistonda soliq tizimi va xususiy tadbirkorlik”. “Iqtisodiyot” kafedrasi pedagog xodimlari kafedra mudiri dots. Boboyev A.CH. boshchiligida qator ilmiy va uslubiy ishlarni bajarib kelmoqdalar. Jumladan oxirgi yillarda: dots.Boboyev A.CH. tomonidan “Tadbirkorlik faoliyatini nazariy rivojlantirish”, “Taʼlim tizimida kasb taʼlimi o‘qituvchisining innnovatsion faoliyatini rivojlantirishda o‘quv-uslubiy tayyorgarlik strategiyasi”, “Oliy taʼlim bitiruvchilarida tadbirkorlik ko‘nikmalarini shakllantirish va uning istiqbollari”; dots. Hasanova G.D. tomonidan “Innovatsion jarayonlar sharoitida xizmatlar sohasini rivojlantirish mexanizmlarini takomillashtirish (Buxoro viloyati misolida)”, “Experience in the management of higher education system of developed foreign countries”; Rasulova N.N. va Jumayeva Z.Q. tomonidan “O‘zbekiston mintaqalarida sanoat tarmog‘ini rivojlantirishning hududiy jihatlari” kabi bir qator monografiyalar tayyorlandi va chop etildi. Kafedraning aʼzolari har yili o‘tkaziladigan respublika va xalqaro miqyosdagi ilmiy-amaliy anjumanlarning faol qatnashchisi, ular tomonidan nufuzli respublika va xalqaro ilmiy-ommabop nashrlarga maqolalar tayyorlanib chop etib borilmoqda. Jumladan “Web of Science”, “Scopus” bazasiga, OAK ro‘yxatiga kiritilgan nufuzli xalqaro va mahalliy jurnallarda kafedra pedagog xodimlarining 20 dan ortiq ilmiy maqolalari chop etilgan. Kafedra pedagog xodimlari tomonidan “Shaxsga yo‘naltirilgan innovatsion texnologiyalar asosida texnik yo‘nalishlar bo‘yicha malakali muhandis kadrlar tayyorlash va o‘qituvchilar malakasini oshirish sifatini oshirish” loyihasi bo‘yicha Davlat granti ustida ish olib borilmoqda. “Iqtisodiyot” kafedrasiga qarashli yo‘nalishlarda kunduzgi, kechki va sirtqi hamda ikkinchi mutaxassislik taʼlim shakllari bo‘yicha 200 ga yaqin talabalar tahsil olmoqda, jumladan 63310100-Iqtisodiyot (tarmoqlar va sohalar bo‘yicha) bakalavr taʼlim yo‘nalishida mutaxassislar tayyorlanmoqda. Kafedra pedagog xodimlari rahbarlik qilayotgan iqtidorli talabalar fan olimpiadalari, nufuzli tanlovlarda doimiy qatnashib kelmoqda. 2020-2021 o‘quv yilida dots.Hasanova rahbarligida iqtidorli talaba Yusupov Yusuf “Islom Karimov nomidagi Davlat stipendiyasi”ga sazovor bo‘ldi. Kafedra doimiy ravishda viloyat va shahar hokimiyati tomonidan tashkil etiladigan siyosiy o‘qishlar va targ‘ibot ishlari, institut tomonidan tashkil etiladigan maʼnaviy maʼrifiy tadbirlarning faol ishtirokchisi. Institutga qarashli talabalar turar joyida “Iqtisodiyot” kafedrasi pedagog-xodimlari tomonidan dekanat bilan hamkorlikda madaniy-maʼrifiy kechalar, davra suhbatlari, tadbirlar uyushtirib turilmoqda. Kafedra o‘qituvchilari doimiy tarzda o‘tkazib turiladigan institut, shahar va viloyat miqyosidagi sport tadbirlari qatnashchisi va uning volleybol, shaxmat turlari bo‘yicha sovrinli o‘rinlarni egallab kelmoqdalar.
|
|
|
|
|
|
|
|
|
|
|
|
|
|
2021 yil 24 oktyabrdagi O’zbekiston Respublikasi Prezidenti saylovlarini yuqori saviyada o\tkazishga faol ishtiroki uchun “Iqtisodiyot” kafedrasi mudiri Boboye Akmal Choriyevichga tashakkurnoma izhor qilindi | |
“YANGI O’ZBEKISTON – YANGICHA QARASH” shiori ostida mamlakatimizfa amalga oshirilayotgan islohotlarning mazmun-mohiyati va ahamiyatini aholi o’rtasida keng targ’ib etish bo’yicha tuman mahallalarida o\tkazilgan tadbirlarda munosib ishtiroki uchun “MA`RIFAT” targ’ibotchilar guruhi a`zosi Buxoro muhandislik-texnologiya institute “Menejment” kafedrasi dotsenti Boboye Akmal Choriyevichga tashakkurnoma bilan taqdirlandi | |
O’zbekiston Respublikasi bo’ylab “Yoshlarning siyosiy bilimi va huquqiy madaniyatini yuksaltirish” mavzusida tashkil etilgan siyosiy o’quvlarda trener sifadida munosib ishtiroki uchu Hasanova Gulrux Djumanajarovnaga tashakkurnoma orqali minnatdorchilik bildirildi | |
2020-2021 o`quv yilida dotsent G.D.Hasanova rahbarligida iqtidorli talaba Yusupov Yusuf “Islom Karimov nomidagi Davlat stipendiyasi”ga sazovor bo`ldi. |