Axborot-resurs markazi

 

Direktor:  Tojiev In’omjon Ilxomovich 

Tel:  +99891 444-87-03
E-mail:  arminom@mail.ru

 

 

Buxoro muhandislik – texnologiya instituti 1979 yil tashkil etilgan bo’lib, kutubxona fondi ham shu davrdan boshlab shakllantirilgan. Kutubxonachilik sohasida axborot –texnologiyalarini tatbiq qilishning muhimligi O’zbekiston Respublikasi Prezidentining 2006 yil 20 iyundagi “Respublika aholisini axborot-kutubxona bilan ta’minlashni tashkil etish to’g’risida” gi qarorida o’zi fodasini topgan. Qarorga muvofiq, viloyatlardagi ilmiy-universal kutubxonalar negizida axborot – kutubxona markazlar, hamda shahar va qishloqlardagi ommaviy kutubxonalar negizida axborot – resurs markazlari tashkil etish bo’yicha topshiriqlar berilgan.

Mazkur  Axborot–resurs markazlar zimmasiga aholiga axborot-kutubxona xizmati ko’rsatishni sifat jihatdan yangi darajaga ko’tarish, kitobxonlarning ilmiy, ta’lim, axborot, madaniyat va biznes sohasidagi qiziqishlarini zamonaviy axborot texnologiyalari asosida tezkorlik bilan qondirish, kitobxonlarga an’anaviy kutubxona xizmati ko’rsatishdan o’z axborot resurslarini yaratish va jahon ilmiy–ta’lim axborot resurslaridan foydalanish imkoniyatini berish yo’li bilan axborot–kutubxona xizmati ko’rsatishga o’tishni ta’minlash, yig’ma elektron katalog yordamida axborot resurslarini birlashtiruvchi elektron kutubxonalar va ma’lumot bazalarini yaratish kabi bir qator vazifalar yuklatilgan. Albatta, bunday vazifalarni bajarish uchun ARMlar texnik, dasturiy, axborot, lingvistik, tashkiliy-texnologik hamda kadrlar ta’minotiga ega bo’lishi zarur.Hozirda axborotning hayotimizdagi o’rni hamma zamondagidan oshgan bir davrda istalgan mavzudagi axborotlarni internet orqali soniyalar ichida topish mumkin. Bunga ko’ra bizning ham Buxoro Muhandislik – texnologiya instituti Axborot-resurs markazi foydalanuvchilarga axborot – kutubxona xizmati ko’rsatishni zamonaviy talablar asosida tashkil etish va o’z faoliyatini axborot – kommunikatsiya texnologiyalari imkoniyatlariga tayangan holda ildam zamonaviylashtirish bilan yuksak madaniy kutubxona xizmati ko’rsatish tizimini shakllantirish, axborotlarni kitobxonlar va iste’molchilarga yetkazish, axborot – resurslarini iste’molchilar talablari asosida masofaviy olish va yetkazish shakllaridan foydalanish bilan aholi ehtiyojlarini qondirish, shuningdek keng foydalanuvchilar ommasiga Internet xalqaro tarmog’iga chiqish imkoniyatlari bo’yicha xizmat ko’rsatish, o’quvchi va talaba – yoshlar, hamda ustoz – murabbiylar uchun Respublikamizda joriy etilgan ZiyoNet ta’lim portalida iste’molchilarga o’quv, ilmiy, badiiy, ommabop adabiyotlar bilan xizmat ko’rsatishdan tashqari yangiliklarni tezkor yetkazish, matbuot va ommaviy axborot vositalari orqali tarqatilgan ma’lumot va yangiliklarning elektron izchil foydalanishlariga qulay imkoniyatlar yaratishni maqsad qilgan va bu borada bir qancha ishlarni amalga oshirmoqda. Jumladan:

  1. BuxMTI_ARM
  2. “ZIYO” istaganlaruchun
  3. Arm BuxMTIElektron kitoblar.
  4. Majmualar_BuxMTI_ARM

Telegramm kanallari orqali kitobxonlarni qiziqtirgan kitoblar va ma’lumotlarni tezkorlik bilan yetkazib berish yo’lga qo’yilgan.

Bugungi  kunda Axborot-resurs markazida 5ta bo’lim faoliyat ko’rsatmoqda:

Ilmiy – uslubiy va axborot – ma’lumot bo’limi mudiri:         Husenova Mavjuda Maxmudovna   Tel:  +99891 441-11-69
 E-mail:  husenova.m@mail.ru

Bo’lim professor – o’qituvchilarning, ilmiy va axborot – resurs markaz xodimlarining, talaba va magistrlarning axborotlarga bo’lgan ehtiyojini aniqlab o’rganadi va muntazam ravishda ularga axborot berib boradi. Bo’limda 2001 yildan hozirgi kunga qadar 1304 nafar magistrlarning dissertasiyalari saqlanib kelinmoqda.

 

Elektron axborot – resurslari bo’limi mudiri: Mavlyanov Umrbek Azimovich   Tel:  +99893 470-19-91
 E-mail:  umrbek2101@mail.ru

Bo’limda institut professor – o’qituvchilari hamda talabalariga tezkor va sifatli xizmat ko’rsatish maqsadida zamonaviy axborot texnologiyalaridan foydalangan holda muntazam mustaqil ravishda ta’lim olishga ko’maklashish, yangi texnologiyalar masalan, ma’lumotlar elektron bazasi, internet resurslari xizmatidan foydalangan holda xizmat ko’rsatiladi.

 

Axborot – kutubxona resurslari bilan xizmat ko’rsatish bo’limi mudiri:    O’rinova Shaxlo Karimovna  Tel:  +99890 513-87-51 E-mail:  urinova.sh@mail.ru

Bo’lim – foydalanuvchilar barcha guruhlarining adabiyotga bo’lgan talabini tezkorlik bilan qondirishni ta’minlaydi, foydalanuvchilarning kasb mahorati darajasini ko’tarish maqsadida, Axborot – resurs markazining yagona fondidan abonementlarga xizmat ko’rsatadi. Bo’limda  150000dan ortiqroq adabiyotlar jamlangan bo’lib, mavjud darsliklar, o’quv – qo’llanmalar va badiiy adabiyotlar BBК va UDК klassifikasiyasi asosida joylashtirilgan.

 

Xorijiy axborot – kutubxona resurslari bilan ishlash bo’limi mudiri: Gadoyeva  Olima  Pulatovna  

Tel:  +99897 309-43-00 E-mail:  olima.g@mail.ru

Bo’lim   bugungi kundagi birlamchi masalalardan biri bo’lmish chet – tillarini takomillashtirish bo’yicha amalga oshirilayotgan ishlar doirasida 2017 yilda tashkil etildi. Bo’limda 2134 nusxadagi adabiyotlar  rus, ingliz, nemes, fransuz va tojik tillarida jamlangan bo’lib, badiiy adabiyotlar, darsliklar va lug’atlardan tashkil topgan.

 

Axborot – kutubxona resurslarini butlash, kataloglashtirishva tizimlashtirsh bo’limi mudiri:        

Narziyeva Mavjuda Salimovna   Tel:  +99893 454-98-11
 E-mail:  narziyeva.m@mail.ru

Bo’limda Axborot – resurs markaziga kelgan yangi adabiyotlar qabul qilib olinadi va ularga ishlov berilib, har bir adabiyot skaner qilinib, ARMAT dasturiga kiritiladi va adabiyotlar elektron ya’ni, PDF shaklga o’tkaziladi. Har bir kitobga kartochkalar yozilib, alfavit va  sistemali kataloglariga  joylashtiriladi.

 

 

 

Institut  huzuridagi  Axborot – resurs markazi  300 o’ringa mo’ljallangan 3 ta o’quv zali, 1-bino o’quv zalida 50 та, 2-bino o’quv zalida  25 ta,  3-bino elektron kutubxonasida 25 ta,  2-bino o’quv zalida 25 ta , 4- bino o’quv zalida 20 ta, jami 130 ta yangi zamonaviy kompyuterlar bilan jihozlangan elektron kutubxonalar, shuningdek  5 dona printer, 4 dona skaner, 3 dona videoproektor shu bilan birga o’quv zallari uchun to’liq yangi mebel jihozlari va qulaylik yaratish maqsadida zamonaviy konditsionerlar institut professor-o’qituvchilari hamda talabalari uchun xizmat ko’rsatib kelmoqda.

Kutubxonachilik va axborot ishini yaxshilash, davr talabiga to’laqonli javob berish maqsadida bu yerda faoliyat olib borayotgan xodimlar tanlov asosida qabul qilinadi.

Hozirda markazda shu kabi professional darajadagi 34 nafar ishchi – xodimlar7500 dan ortiq  abonentga xizmat ko’rsatib kelmoqdalar.

Axborotresurs markazi umumiy fondida  13500 nomdagi,   231980 nusxadagi adabiyotlar mavjud.. Manbaalar o’zbek,  rus,  ingliz,  nemis,  fransuz va tojik tillaridajamlangan.

Bugungi kunda ARM tasarrufidaKogon hududida joylashgan 1 ta tarmoq kutubxonasi faoliyat ko’rsatib kelmoqda.Markazga qarashli tarmoqda 11025 nusxadagi adabiyotlar mavjud bo’lib, 1136  nafar kitobxonga xizmat ko’rsatadi, shundan 524 nafari maktab o’quvchilari va  612 nafarini mahalliy aholi va maktab o’qituvchilar tashkil etadi.

ARMda mavjud barcha resurslarning bibiliografik tavsifi yaratilib doimiy ravishda elektron katalog to’ldirilib borilmoqda.Hozirgacha 13250 nomdagi adabiyotning elektron katalogi yaratilgan va shu bilan birga   5200 nomdagi asosiy adabiyotlar to’liq matnli PDF elektron shaklga o’tkazildi.

 

Asosiy maqsadimiz: Kitobxonlarga sifatli axborot kutubxona xizmatini ko’rsatish orqali kitobxonlar sonini oshirish va ularning qalbiga kitoblarimiz orqali ilm ziyosini olib kirishdan iborat. Zero kitobni sevguvchidan hech qachon yomonlik chiqmaydi!

Shiorimiz:  Ilimdan yaxshiroq xazinabo’lmas, qo’lingdan kelguncha tera olsang bas!

 

Siz azizlarni institutimiz Axborot-resurs markazida kutib
qolamiz …