Author - Mirshod Talabov

Технологик жараёнларда рўй бериши мумкин бўлган авариялар ва уларни олдини олиш тадбирлари”

           24–декабрь 2020 йил Бухоро мухандислик-технология институтида  “Саноат экологияси” кафедраси ва Фавқулотда вазиятлар  бошқармаси хамкорлигида “Технологик жараёнларда рўй бериши мумкин бўлган авариялар ва уларни олдини олиш  тадбирлари” мавзусида тадбир бўлиб ўтди

Кафедра мудири доц.  И.Ш.Садыков кириш сўзи билан тадбирни очиб берди. У ўз сўзида Республика миқёсида куз-қиш мавсумида  фавқулотда вазиятлар профилактикасини ташкил этиш учун 2020 йил 25 ноябрдан 25 декабргача “Ахолини ва худудларни фавқулотда вазиятлардан мухофаза қилиш ойлиги ”деб эълон қилинганлигини ва шу муносабат билан, “ Технологик жараёнларда рўй бериши мумкин бўлган авариялар ва уларни олдини олиш  тадбирлари” мавзусидаги  тадбир ўтказилаётганини гапирди. У ўз сўзида    фавқулодда вазият — одамлар қурбон бўлишига, уларнинг соғлиғи ёки атроф табиий муҳитга зарар етишига, жиддий моддий талафотлар келтириб чиқаришга ҳамда одамларнинг ҳаёт фаолияти шароити издан чиқишига олиб келиши мумкин бўлган ёки олиб келган авария, ҳалокат, хавфли табиий ҳодиса, табиий ёки бошқа офат натижасида муайян ҳудудда юзага келган ҳолат эканлигини таъкидлади ; фавқулодда вазиятларнинг олдини олиш — олдиндан ўтказиладиган ҳамда фавқулодда вазиятлар рўй бериши хавфини имкон қадар камайтиришга, бундай вазиятлар рўй берган тақдирда эса, одамларнинг ҳаётини асраб қолиш ва соғлиғини сақлашга, атроф табиий муҳитга етказиладиган зарар ва моддий талафотлар миқдорини камайтиришга қаратилган тадбирлар комплексидир деб  кириш сўзини якунлади . (more…)

Read more...

OLIY TA’LIMNI KADRLAR BILAN TA’MINLASH ISLOHOTI KOLLEJ VA TEXNIKUMLAR BILAN ALOQANI MUSTAHKAMLASHDAN BOSHLANADI

“Demokratik islohotlar sari yo‘l — biz uchun yakkayu yagona va eng to‘g‘ri yo‘ldir”
SH. Mirziyoyev

O’zbekiston Respublikasi Prezidentining 2019 yil 6 sentabrdagi PF-5812 sonli “Professional ta’lim tizimini yanada takomillashtirishga doir qo’shimcha chora tadbirlar to’g’risida” farmoni boyicha ishlar amalga oshirib kelinmoqda.
O’zbekiston Respublikasida yosh avlodning ilm-hunarni mukammal egallashi uchun keng imkoniyatlar yaratib berilmoqda. O’zbekiston Respublikasi Prezidenti SH. Mirziyoyev ta’lim yo‘nalishiga oid murojaatnomasida belgilangan vazifalar asosan maktab bitiruvchilarining oliy ta’limga qamrovi 25 foizdan 50−60 foizga yetkazilishini ta’kidladi.
Texnikumlarga o’qishga qabul qilishni tashkil qilish va ushbu jarayonlarni muvofiqlashtirish har bir Oliy ta’lim muassasasi rektori tomonidan amalga oshirilishi belgilab berilgan. Qolaversa texnikumlarda ta’lim olayotgan yoshlar biriktirilgan institutning malakali pedagoglaridan ta`lim olib, xalqaro 5-darajadagi mutaxassis bo`lib yetishish kafolatlanadi.
Yuqoridagi islohotlarning yechimi sifatida Buxoro muhandislik texnologiyasi instituti huzuridagi Shofirkon qishloq xo`jaligi mahsulotlari texnologiyasi texnikumida 2020 yil 24 dekabrda “Xorijiy tillar” kafedrasi o’qituvchilari A.Qurbonov va R.Norovalar tomonidan bir qator tadbirlar olib borildi.
Ular ingliz tilida mahorat darsini o’tkazdilar. Insonning kamol topishida, mamlakatning iqtisodiy rivojlanishida chet tilini o’rganishning ahamiyati aytib o’tildi. Pedagog-o’qituvchilar tomonidan tayyorlangan o’quv-uslubiy va tarqatma (grammatikadan bannerlar, uslubiy ko’rsatmalar) materiallar taqdim etildi.

Read more...

Баҳорги семестр учун узрли сабабларга кўра ўқишини кўчирмоқчи бўлган талабалар диққатига!

Олий ва ўрта махсус таълим вазирлигининг 09.12.2020 йил № 651-сонли буйруғига асосан узрли сабабларга кўра ўқишни кўчириш тўғрисидаги аризаларни қабул қилиш бўйича ҳудудий ишчи гуруҳлари фаолияти йўлга қўйилган

⚠️ Ҳудудий ишчи гуруҳлари 2020 йилнинг 20 декабридан 2021 йилнинг 25 январь кунига қадар (ўша куни ҳам) фаолият кўрсатади.

Ўзбекистон Республикаси Вазирлар Махкамасининг “Олий таълим муассасаларига қабул қилиш, талабалар ўқишини кўчириш, қайта тиклаш ва ўқишдан четлаштириш тартиби тўғрисидаги низомини тасдиқлаш ҳақидаги” 2017 йил 20 июндаги №393-сонли қарори билан тасдиқланган “Олий таълим муассасаларини талабалари ўқишини кўчириш,  қайта тиклаш ва ўқишдан четлаштириш тўғрисида”ги Низомга мувофиқ талабалар ўқув йилининг ўртасида фақат қуйидаги узрли сабабларга кўра ўқишини кўчириш тўғрисида ариза топширишлари мумкин:

– талаба бир ҳудуддан иккинчи ҳудудга доимий яшаш учун ёки турмушга чиқиш муносабати билан кўчиб ўтганда;

– талабанинг турмуш ўртоғи ёки ота-онаси ҳарбий хизмат ўташ жойини ўзгартирганда;

– талабанинг ота-онаси (турмуш ўртоғи) хориждаги давлат хизматидан қайтганда.

 

❗️Ушбу сабаблардан бошқа ҳолатларда талабалар умумий тартибда ҳар йили 15 июлдан 5 августга қадар ариза билан мурожаат қилишлари мумкин. Бошқача айтганда юқоридаги 3 та сабаб бўлмаса, ўқув йилининг ўртасида ўқишни кўчириб бўлмайди.

Фуқаролар узрли сабабларга кўра ўқишни кўчириш бўйича ҳудудий ишчи гуруҳларига қуйидаги ҳужжатларни тақдим этишлари лозим:

– ўқишни кўчириш бўйича ариза (ариза бланкаси ҳудудий ишчи гуруҳи томонидан берилади ва талаба томонидан жойида тўлдирилади);

– талабанинг рейтинг дафтарчаси ёки белгиланган шаклдаги академик маълумотнома ёки транскрипт нусхалари (биттаси бўлса етарли);

– паспорт нусхаси;

– юқорида қайд этилган узрли сабабларни асословчи тегишли ҳужжатлар.

 

Мурожаат учун манзили: Бух МТИ нинг 3-ўқув биноси 213-хона. Тел. (65) 223-97-50.

Иш вақти ҳар куни соат 900 дан 1700 гача

(якшанба – дам олиш куни; шанба соат 900 дан 1500 гача)

 

Read more...

БУХОРО ЁШЛАР ФОРУМИ “ЗАМОНАВИЙ МАРКЕТИНГ”

21 декабрь куни Бухоро муҳандислик-технология институти фаоллар залида “Технологик жараёнларни бошқарув тизимлари” факультети “Менежмент” кафедраси профессор-ўқитувчилари томонидан институтнинг маркетинг, менежмент ва иқтисод йўналиши талабалари иштирокида “Замонавий маркетинг” лойиҳаси бўйича форум ташкил қилинди.

Форумни кириш сўзи билан институт Ёшлар билан ишлаш бўйича проректори Ю.А.Шукруллаев очиб бериб, Ўзбекистон Республикаси мустақилликка эришганидан буён бугунги кунга қадар, ижтимоий-иқтисодий ислоҳотларни амалга ошириб келаётганлигини, бу эса албатта бугунги шароитда аниқ ривожланиш дастурини танлаб олиш, энг муҳими ижтимоий зидиятларсиз шижоат ва якдиллик билан бозор муносабатларига ўтиш, барча куч-қудрат ва табиий бойликлардан самарали фойдаланиш, иқтисодиётни барқарор ривожлантириш, аҳоли турмуш даражаси юқори бўлган, иқтисодий ривожланган давлатлар сафидан ўрин олишни таъминлайдиган кучли иқтисодий асосни вужудга келтириш талаб этилаётганлигини такидлаб, бунда албатта бугунги ёшларнинг ўрни ва уларнинг бугунги кунда оладиган билими давлатимизни келажакдаги ўрнини белгилаб бериши такидланди. Талабаларга жаҳон тажрибасида  синалган  кам  харажатлар  билан  қисқа вақтдан сўнг  юқори  даромад  келтирувчи  кичик  бизнес  корхоналарини  ташкил  этиш мақсадга  мувофиқлигини, билим олиш жараёнида ишчи сифатидамас, иш ўрни яратувчи сифатида шаклланишни уқтириб ўтди.

Менежмент кафедраси профессори Мизамов А.Б, кафедра мудири Ҳайитов Ш.Н., кафедра катта ўқитувчиси Б.Мухсиновлар йиғилиш иштирокчиларига Замонавий маркетинг лойихаси тўғрисида биринма кетин чиқиш қилиб талаба ёшларга тушунчалар бердилар.

Маркетингни шакллантиришда ишлаб чиқариш менежментининг ривожланиши, унинг ривожланишида бир неча босқичлар бўлиниши такидланди.

Маркетингнинг моҳияти шуни кўрсатадики, фақат реал сотишни топадиган нарса ишлаб чиқарилиши керак ва харидорга бозор билан олдиндан мувофиқлаштирилмаган маҳсулотни юкламаслик кераклиги такидланди маърузачилар томонидан.

Тадбир кўтаринки руҳда ташкил этилди. Тадбирда талабалар замонавий маркетинг тўғрисида ўзларини қизиқтирган саволларига жавоб олдилар.

“Технологик жараёнларни бошқарув тизимлари” факультети Ёшлар билан ишлаш бўйича декан муовини Шодиев Жаҳонгир Жўрақулович.

 

Read more...

TEXNIKA FANLARI BO’YICHA FALSAFA DOKTORI (PhD) DISSERTATSIYASI AVTOREFERATI

Хўжақулова Дилбар Жўрақуловнанинг 02.00.17 – “Қишлоқ хўжалик ва озиқ-овқат маҳсулотларига ишлов бериш, сақлаш ҳамда қайта ишлаш технологиялари ва биотехнологиялари” ихтисослиги бўйича  “Ўсимлик мойларини дезодорациялаш технологиясини такомиллаштириш” мавзусидаги техника фанлар бўйича фалсафа доктори (РhD) диссертациясининг ҳимояси Бухоро муҳандислик-технология институти ҳузуридаги илмий даража берувчи PhD.03/30.12.2019.T.101.01 рақамли илмий кенгашнинг 2020 йил 31 декабр куни соат13:00 даги мажлисида бўлиб ўтади.

Манзил: 200117, Бухоро, Қ.Муртазоев кўчаси, 15-уй. Тел.: (+99895) 604-44-70, факс: (+99865) 223-78-84, E-mail: info@bmti.uz.

 

Подключиться к конференции Zoom

https://us02web.zoom.us/j/82696565445?pwd=bjhEU050VzZKNFNUR1N3WVN6a2YvUT09

Идентификатор конференции: 826 9656 5445

Код доступа: 7777777

DISSERTATSIYASI AVTOREFERATI

Read more...

TEXNIKA FANLARI BO’YICHA FALSAFA DOKTORI (PhD) DISSERTATSIYASI AVTOREFERATI

Бозоров Дилмурод Холмуродовичнинг 02.00.17 ‑ “Қишлоқ хўжалик ва озиқ-овқат маҳсулотларига ишлов бериш, сақлаш ҳамда қайта ишлаш технологиялари ва биотехнологиялари” ихтисослиги бўйича «Майонез тайёрлаш технологиясини такомиллаштириш» мавзусидаги техника фанлар бўйича фалсафа доктори (РhD) диссертациясининг ҳимояси Бухоро муҳандислик-технология институти ҳузуридаги илмий даража берувчи PhD.03/30.12.2019.T.101.01 рақамли Илмий кенгашнинг 2020 йил 31 декабр куни соат 9:00 даги мажлиси бўлиб ўтади.

Манзил: 200117, Бухоро, Қ.Муртазоев кўчаси, 15-уй. Тел.: (+99895) 604-44-70, факс: (+99865) 223-78-84, E-mail: info@bmti.uz.

 

Подключиться к конференции Zoom

https://us02web.zoom.us/j/87303058597?pwd=WWtYU3c5VSttamdad2JJd1hxbXFYQT09

Идентификатор конференции: 873 0305 8597

Код доступа: 7777777

DISSERTATSIYASI AVTOREFERATI

Read more...

“UZBEKISTAN GTL” КОМПАНИЯСИ 2020-2021 ЎҚУВ ЙИЛИНИНГ НЕФТЬ-ГАЗ СОҲАСИДА ТАҲСИЛ ОЛАЁТГАН ИҚТИДОРЛИ ТАЛАБАЛАР УЧУН СТИПЕНДИЯЛАР ДАСТУРИНИНГ ҒОЛИБЛАРИ ТАҚДИРЛАНДИ

Жорий йилнинг 12-13 декабрь кунлари, Қашқадарё вилояти Ғузор туманида жойлашган Шўртан газ-кимё мажмуасида “Uzbekistan GTL” компаниясининг 2020-2021 ўқув йилининг нефть-газ соҳасида таҳсил олаётган иқтидорли талабалар учун стипендиялар дастури ғолиблари, фаол иштирокчилари, олий таълим муассасаларнинг ректор ва профессор-ўқитувчилари ҳамда Олий ва ўрта махсус таълим вазирининг ўринбосари Ю.Абсоатов, “Uzbekistan GTL” ва “Шўртан газ-кимё мажмуаси” МЧЖларнинг раҳбарияти иштирокида тантанали тақдирлаш маросими бўлиб ўтди.

Бу йилги дастурда жами 1200 дан зиёд талабалар иштирок этди, ва 3 босқичдан сўнг жами 12 нафар иқтидорли талабалар саралаб олинган эди. Иштирокчилар сони сезиларли даражада кўпайганини инобатга олган ҳолда ва танловда иштирок этган иқтидорли талабаларни қўллаб-қувватлаш мақсадида танлов комиссияси қўшимча 18 та фаол иштирокчиларни ҳам махсус сертификатлар билан тақдирлашни ва уларга GTL заводида ишлаб чиқариш амалиётини ўтиш, “Uzbekistan GTL” компаниясида малака ошириш, ҳамда ўқишининг сўнггида ўз мутахассислиги бўйича GTL заводида иш билан таъминлаш белгиланди.

Тадбир давомида стипендиялар дастури ғолиблари ва фаол иштирокчилар махсус диплом ва сертификатлар ҳамда компаниянинг эсдалик совғалари билан тақдирландилар. 12 нафар стипендия соҳибларига ўқув йили давомида “Uzbekistan GTL” компанияси томонидан қўшимча ойлик стипендия тўлаб борилади.

Стипендия ғолибларидан Бухоро муҳандислик-технология институти “Нефть-газ технологияси” факультети 203-17 НГТ гуруҳ талабаси Раджабов Алишер Эркинович, 216-17 НГТ гуруҳ талабалари Баҳронов Жавоҳир Шокир ўғли, Алланазаров Ғанишер Ортиқ ўғли.

Тақдирлаш маросими доирасида йиллар давомида нефть ва газ соҳаси учун минглаб малакали кадрларни тайёрлашда хизмат қилиб келаётган ҳамкор олий таълим муассасаларига ёш авлод мутахассисларини тайёрлаш, илмий салоҳиятини ривожлантириш, жумладан фан ва нефтгаз-кимё корхоналари интеграциясини кенгайтиришга қўшган ҳиссаси ҳамда “Ўзбекнефтгаз” акциядорлик жамияти ва унинг тасарруфидаги “Uzbekistan GTL” ҳамда “Шўртан газ-кимё мажмуаси” МЧЖлари билан самарали ҳамкорлик учун Тошкент давлат техника университети, Тошкент кимё-технология институти, Ўзбекистон Миллий университети, И.М.Губкин номидаги Россия давлат нефть ва газ университетининг Тошкент шахар филилали, Қарши муҳандислик-иқтисодиёт институти, Бухоро муҳандислик-технология институти, Бердақ номидаги Қорақалпоқ давлат университети ва Фарғона политехника институтларига “Ўзбекнефтгаз” акциядорлик жамияти Бошқарув раисининг махсус ташаккурномалари топширилди.

Олий таълим муассасалари билан уч томонлама ўзаро ҳамкорлик меморандумлари имзоланди.

“Uzbekistan GTL” компаниясининг стипендиялар дастури ғолиблари, фаол иштирокчилари, олий таълим муассасаларининг ректор ва профессор-ўқитувчилари Шўртан газ-кимё мажмуаси фаолияти билан яқиндан танишдилар.

“Uzbekistan GTL” компаниясининг стипендиялар дастури ғолиблари, фаол иштирокчилари, олий таълим муассасаларининг ректор ва профессор-ўқитувчилари GTL заводининг қурилиш майдони билан ҳам яқиндан танишдилар.

Имзоланган уч томонлама ҳамкорлик меморандуми Бухоро муҳандислик-технология институти ҳамда “Uzbekistan GTL” МЧЖ, “Шўртан газ-кимё мажмуаси” МЧЖ билан хартомонлама хамкорликни кенгайтириш, биргаликда илмий изланишлар олиб бориш ва малакали кадрлар тайёрлаш мақсадларида истиқболли ёшлар ўртасида келажак учун ишонч, соҳага қизиқиш туйғуларини уйғотади.

Ш.Н. Атауллаев.,   “Нефть-газ технологияси” факультети декани

Read more...