Author - Usmon Saidov

ОЛИЙ ТАЪЛИМ ИСЛОҲОТЛАРИ – АМАЛДА

ОЛИЙ ТАЪЛИМ ИСЛОҲОТЛАРИ – АМАЛДА

          Президентимизнинг олий таълим соҳасини янада ривожлантириш, кадрлар тайёрлаш сифатини ошириш, илм-фан ва ишлаб чиқариш интеграциясини кенгайтириш бўйича  қабул қилинган фармон ва қарорларида кўрсатилган устувор вазифалардан келиб чиқиб Бухоро Муҳандислик технология институтида бир қатор диққатга молик ишлар амалга оширилмоқда.

Интитутда ҳозирги кунда 29 та бакалавриат таълим йўналаши ва 13 та магистратура мутахассисликлари бўйича кадрлар тайёрланмоқда. 8 та факултет, 34 та кафедра, 18 та бўлим, 3 та марказ фаолият кўрсатмокда.

Институтда 2018-2019 ўқув йилида асосий штатда 442 нафар профессор-ўқитувчилар фаолият кўрсатди. Улардан 16 нафари фан доктори, 122 нафари фан номзодлари ва доцентлар бўлиб, илмий  салоҳияти  32% ни ташкил етди.

2019-2020 ўқув йилида 7 та янги бакалавриат таълим йўналишлари ва 1 та магистратура мутахассисликлари очилди. Беларусь Республикасининг Могилев давлат озиқ-овқат университети ҳамда  Москва Давлат технология университети базаларида таянч докторантларни тайёрлаш бўйича қўшимча келишувларга эришилди. Жорий ўқув йилидан бошлаб ушбу қўшма таълим дастурларига мувофиқ 12 та бакалавриат таълим йўналиши бўйича ва 3 та магистратура мутахассислигига қабул амалга оширилди.

2019 йилда институтимиз олимлари томонидан 582,5 миллион сўмлик 5 та давлат грантлари асосида (2 та амалий, 2 та фундаментал ва 1 та ёш олимларнинг амалий гранти) лойиҳа бўйича илмий-тадқиқот ишлари олиб борилмоқда.

Институтнинг буюртмачи корхоналардаги мавжуд муаммоларни илмий таҳлиллар асосида ечиш, фан–таълим–ишлаб чиқариш интеграциясини таъминлаш мақсадида бултур март – август ойларида умумий қиймати 304 миллион сўмлик, жами 34 та хўжалик шартномалари имзоланиб, айни чоғда амалга оширилмоқда. Илмий-тадқиқот ва инновацион фаолият натижалари бўйича 1739 номдаги илмий ишлар  эълон қилинди. Бунда салмоқли улушни, яъни 85-90 фоизни хорижий ва республика илмий журналларида чоп этилган мақолалар ташкил этади.

Чоп этилган монографиялар сони 23 тага, интеллектуал мулк агентлигидан олинган патентлар сони 15 тага, муаллифлик гувоҳномалари 34 тага  этди

“Бухоро муҳандислик-технология институти профессор-ўқитувчилари ва илмий тадқиқотчиларни “Scopus”,  “Web of Science”  ва “ScienceDirect” тизимига кирувчи халқаро илмий журналларда илмий мақолалар  чоп этгани ва хорижий тилни ўзлаштиргани учун моддий рағбатлантириш тўғрисидаги низом” ишлаб чиқилди.

Ўзбекистон Республикаси ФА илмий – тадқиқот институтларининг етакчи олимларидан 2 нафари олийгоҳимиз таянч докторантларига илмий маслаҳатчи етиб тасдиқланган. Ҳозирги кунда академиклар Н. Юсупбеков, Х. Игамбердиев, Р.Жалилов, М.Мирсаидов, А. Ризаев, Ф. Хошимовлар таянч докторантларнинг диссертация ишларига раҳбарлик қилмоқда.

2019 йилнинг I-II чораги давомида 3 та фан докторлиги ва 18 та фалсафа докторлиги ҳимоялари бўлиб ўтди. 2019 йил, апрел ойида Ёш олимлар кенгаши фаолияти қайта тикланди ва унинг илмий семинарлари жадвал асосида ўтказилмоқда.

Таълим жараёнига жалб қилинган Швеция Қироллик технология университети профессор-ўқитувчиларидан “Мехатроника” кафедраси мудири профессор М.Гримхедин, Москва Давлат технология университети ягона деканати раҳбари Р.Нажметдинов ва институт проректори Н.Садуллаев (координатор), Касбий таълим кафедраси мудири А.Гаффаров ва бошқалардан иборат гуруҳ Академик инновациялар фонди танловларида иштирок этиб Жаҳон банкининг қиймати 80 минг АҚШ доллари бўлган грантларига эга бўлишди.

Маънавий – маърифий ишлар ўқув жараёнларидан ажралмаган ҳолда ташкил этилмоқда. Талабаларни маънавий – ахлоқий, интеллектуал ва жисмоний жиҳатдан етук қилиб тарбиялаш мамлакатимизда амалга оширилаётган ислоҳотларга ҳамоҳанг тарзда олиб борилмоқда. Институтнинг 4 та ўқув биносида 4 та ўқув зали, 2 та электрон кутубхона мавжуд бўлиб, 100423 та ўқув қўлланма, 101825 та дарслик, 933 та электрон дарслик ҳамда 525 та pdf форматдаги материаллар, 154 та интернетга уланган компьютерлар ўқитувчи ва талабалар хизматида.

Талабаларнинг бўш вақтларини мазмунли ўтказиш мақсадида институтда 26 та фан тўгараги, 9 та спорт секцияси, 3 та клуб фаолият кўрсатмоқда. “Жаҳолатга қарши маърифат”, “Мен диний экстремизм ва терроризм таҳдидларини қандай тушунаман?” мавзуларидаги мақолалар ижодий танлови ўтказилиб, ғолибликни қўлга киритган 18 нафар талаба институт бюджетидан ташқари маблағлари ҳисобидан рағбатлантирилди.

Олийгоҳ мажлислар зали, институт ахборот – ресурс марказлари ва талабалар турар жойларида тарихий саналар ва буюк аждодларимиз Алишер Навоий, Захириддин Мухаммад Бобур, Абдулла Қодирий таваллуд айёмларига бағишланган шунингдек, “Китоб – маънавият кўзгуси”, “Китоб – офтоб” мавзуларида адабий кечалар, маънавий – маърифий учрашувлар ва давра суҳбатлари ташкил этилди.

Педагог ходимлар ва талаба – ёшлар  ўртасида “Спорт – соғлик гарови” шиори остида шахмат, шашка, стол тенниси, кураш, баскетбол, югуриш бўйича  мусобоқалар ташкил этилиб, ғолиблар касаба уюшмаси ташкилотининг эсдалик совғалари ва “Фахрий ёрлиқлари” билан тақдирланди.

Талабалар турар жойи, институт ўқув биноларининг фасад қисмлари мукаммал таъмирланди. Шу билан бирга, олийгоҳнинг 1-2-3 ўқув бинолари ҳудуди ободонлаштирилди, янги замонавий дам олиш масканлари яратилди.

Бозорқул Каримов,

“Ижтимоий фанлар” кафедраси доценти,

фалсафа фанлари номзоди

 

(“Бухоронома” газетасининг 2019 йил 1 сентябр сонида чоп етилган мақола)

Read more...

Энди… “Мажбурий меҳнат” сабаб одамийликка ҳам барҳам берамизми?

@sizdantelegram БУХОРО – “Муҳандислик институти ўқитувчи ва талабалари мажбурий меҳнатга жалб этилмоқда” мақолага Буҳоро муҳандислик – технология институтининг муносабати

Энди… “Мажбурий меҳнат” сабаб одамийликка ҳам барҳам берамизми?

        Ҳар бир инсон уйдан остона ҳатлаб кўча чиқар экан, ҳайдовчи, йўловчи ва пиёда сифатида ўз олдига қўйган бир кунлик иш режаларини бажаришга ошиқади. Аммо шундай ҳолатлар бўладики, харакатланиш давомида бехосдан йўлнинг нариги бетида турган кекса онахон ёки кўзи ожиз инсонни кўриб бир зумга барча режаларни унутиб ёрдамга ошиқади. Буни йўл қатновида турган инсонлар кўриб, одамгарчилик, ватанпарварлик ва жонкуярлик тушунчалари билан изоҳ беришади. Лекин мажбурий меҳнат дейишмайди. Чунки бу савоб ишни ўз истаги билан бажаргани маълум бўлади. Келинг энди иккинчи бир изоҳга ўта қолайлик, @sizdantelegram канали орқали  БУХОРО – “Муҳандислик институти ўқитувчи ва талабалари мажбурий меҳнатга жалб этилмоқда” мавзуида кенг муҳокамаларга сабаб бўлган  материал берилди. Биз сизнинг танқидий руҳдаги мақолангизга шуни изоҳ сифатида қиритишингизни истардик.

Ўйлаб кўрайлик, икки ёки ундан ортиқ талаба “Келинглар институт атрофидаги қурувчилар ҳолидан хабар оламиз. Одамгарчилик юзасидан уларга ҳорманг биродарлар деб суҳбатлашамиз”- деган фикрда уларнинг олдига келишган.  Бу ҳолатни бошқа бир  фуқоро уяли телефон орқали расмга тушириб сизнинг телеграм каналингизга йўллаган деган фикрдамиз.

Яна бир мулоҳаза.  Ахир бизнинг вазифамиз билимли, меҳнатсевар, зукко, ватанпарвар ёшларни тарбиялашдан иборат эмасми? Эртага биз тарбиялаб таълим берган йигитларимиз танлаган касбининг етук мутахассиси бўлиши билан бир қаторда авваламбор оила сардори, қизларимиз эса рўзғорнинг саришта – саранжом бекаси бўлиши керак эмасми? Нима энди уйимизга бир туп дарахт экиш учун ёки ҳовли супани супуриб озода сақлаш учун ёлланма ишчи ёки хизматкор чақирамизми? Қачон фарзандларимизга меҳнатсеварлик,  ватанпарварлик  руҳиятини сингдирамиз. Бугунги кунда ”мажбурий меҳнат” сабаб фуқароларимиз бир-бирига ёрдам бермаса, меҳр-муҳаббат улашмаса одамийлигимиз қайда қолади.

Яна бир аниқ маълумотларга таяниб фикримизни давом эттирамиз.

Институтда 6500 нафар талабалар ва 878 нафар педагог ва ишчи ходимлар фаолият юритмоқда. 2019 йил  июл ойида вилоят  ҳокими Ў.Барноев институтга ташриф буюриб,  ҳудуд  инфратузилмасини замон талабларига мос қайта таъмирлаш, ўқув биноларининг фасад қисмларини ўзгартириш ва ободонлаштириш ишларини янги ўқув йилигача якунлаш мақсадида вилоят ҳокимлик маблағлари ҳисобидан қурилиш ташкилотларига  кўрсатма ва топшириқлар  берган эди. Ҳақиқатдан ҳам, июл-август ойларида барча ўқув бинолари ва талабалар турар жойлари, институт ҳудудидаги майдонларда  қурилиш таъмирлаш ишлари олиб борилди. 10 га яқин қурилиш ташкилотлари ушбу жараёнда иштирок этдилар. Барча қурилиш ишлари 15 сентябрь ҳолатида тугатилди.  Ижтимоий тармоқда чиққан расмларда акс эттирилган  институт ҳовлисидаги фаввора  қурилиши  15 сентябда тугатилиб, объект топширилган. Расмларни ўрганиш  натижасида, уларда  кўрсатилган  ишчилар  “Нефт газ саноат инвест” фирмасига тегишчи ёлланма ишчилар эканлиги аниқланди. (Фирма раҳбари  Жаҳонгир Авлиёқулов,  телефон рақами 99891 400- 10- 10.)

Институт раҳбарияти ва касаба уюшма ташкилоти томонидан барча факультетлар профессор – ўқитувчилари, бўлим ходимлари ҳамда талаба – ёшлар орасида  мажбурий меҳнатнинг олдини олиш ва унинг салбий оқибатлари тўғрисидаги  тарғибот- ташвиқот ишлари олиб борилмоқда. Институт  касаба уюшмаси қўмитаси,  ўқув-услубий бошқарма,  мониторинг ва ички назорат бўлими ходимлари талабаларнинг дарсларга иштироки ва давоматини  қатъий назоратга олганлар.

Сўзимиз якунида шуни таъкидламоқчимизки, бу даргоҳда таълим тарбия олиб устоз-шогирд анъаналари асосида ҳар йили ўз соҳасининг мутахассислари давомий тарзда етишиб чиқаверади. Аммо ушбу хайрли ишларимизнинг амалга оширилишида хайрихоҳ бўлиш ўрнига  фаолиятимизга ҳалақит бериб, фақат тирноқ остидан кир қидириб, одамлардан яхши дуолар олиш ўрнига уларнинг нафрат ва қарғинчига дучор бўлаётган кимсалар бу қилмишларининг ҳажри борлиги ва у албатта агар насиб қилган бўлса, фарзанларидан ёки фарзанларига қайтиши муқаррарлигини бир таналарига ўйлаб кўрсалар яхши бўлар эди.

 

 

 

Read more...

Bu rasmda men ham borman

Bu rasmda men ham borman.

“Ozodlik”  va “Ozodlik”ning yurtimizdagi tarafdorlari @SizdanTelegram kanali tomonidan Buxoro muhandislik – texnоlogiya institutida majburiy mehnatga talabalar va o’qituvchilarning jalb qilinayotganligi haqida bong urildi. Hurmatli “Ozodlik”dagi janob akalar, avvalo siz qilayotgan “rahmdillik” uchun alohida “raxmat”.

Siz dunyoga internet tarmog’i orqali ulashgan rasmda men ham borman!

Avvalo eslatib o’tmoqchimanki shaxsning ruxsatisiz unga tegishli bo’lgan fotosuratni tarqatishga hech kimning haqqi yo’q! Bu siz asosiy niqob qilib olgan zamonaviy jurnalistikaning eng asosiy qoidasi!

Innan keyin, o’zim yashab turgan joy, o’zim o’qiyotgan oliygoh uchun hissa qoshishni sizning ruhsatingiz bilan amalga oshirishim kerakligini bilamagandim. Ikkinchidan talabalar va o’qituvchilar huquqlarini himoya qilish sizning chekingizga tushgani yo’q. “Ozodlik”dagi “mehribonlarim” sizga O’zbekistonning bir farzandi sifatida maslahatim va iltimosim shundan iboratki, barmoqlaringizga yopishib qolgan “klaviatura tugmalari” ni bir chetga qo’yingda uyingiz hovlisiga daraxt eking. Sababiki, vaqt o’tib nabiralaringiz bobomdan faqat dog’ qolibdi deyishmasin.

O’zbek xalq maqoli:

Yaxshidan bog’ qoladi,

yomondan esa dog’.           Javohir Sulton

Read more...

Бухоро муҳандислик – технология институти “Механика” факультети талабаларига тўлов-контракт асосида ўкишнинг янги тизими ҳақида маълумотлар берилди

Бухоро муҳандислик – технология институти “Механика” факультети талабаларига тўлов-контракт асосида ўкишнинг янги тизими ҳақида маълумотлар берилди

 

Бухоро муҳандислик-технология институти ректори Н.Баракаев. Олий таълим даргоҳининг талабалари билан биргаликда  Олий ва ўрта махсус таълим Вазири И.У.Мажидовнинг Республика Олий ўқув юртларига юборилган 2019 йил 11 сентябр 87-01-573 – сонли хати асосида учрашув бўлиб ўтди.

Ушбу йиғилишда 2019-2020 ўқув йили учун олий таълим муассасаларида тўлов-контракт асосида ўкитиш қийматлари тушунтирилди.

 

 

Учрашув чоғида талабаларга тўловларни амалга оширишда қулайликлар яратилганлиги, аҳолининг кенг қатлами учун олий таълимнинг ҳаммабоплигини  таъминлаш мақсадида янги ўқув йилидан бошлаб, тўлов – контракт қиймати миқдорлари икки хил кўринишда тўлаш, ҳамда тўловларни амалга оширишда енгиллик яратиш мақсадида контракт суммаларини ойма-ой бўлиб тўлаш  имкониятлари борлиги айтиб ўтилди.

 

 

Таъкидлаш жоиз, талабалар ва уларнинг ота-оналари ўртасида тўлов-контракт миқдорларини белгилаш ва талабаларга стипендия тайинлаш жараёнларида  англашилмовчиликлар пайдо бўлишини олдини олиш мақсадида, Бухоро муҳандислик-технология институтининг барча фаъкултетларида ушбу тарғибот тадбирлар ташкиллаштириб келинмоқда.

 

                                       

 

 

 

Read more...

Янгилик! Энди сизда контракт миқдорини камайтирган холда ўқиш имконияти мавжуд

 

Янгилик! Энди сизда контракт миқдорини камайтирган холда ўқиш имконияти мавжуд

Инсон борки талаба бўлишни,олий таълим даргоҳларида тахсил олишни орзу қилади. Талабалар сафига қириш даврида грант ва тўлов-контракт асосида ўқиш бахти пайдо бўлади. Грант асосида ўқишни бошлаш бирмунча енгилликлар беради. Аммо тўлов- контракт асосида ўқиш эса, оила аъзоларимиз томонидан “Ахир шунча пул тўлаб ўқишнинг ўзи бўладими” қабилидаги сўзлар пайдо бўлишига олиб келади. Энди бунинг чораси бор. Бакалавриат, магистратура ва иккинчи мутахахассислик бўйича кундузги таълим шаклида тўлов-контракт асосида таҳсил олаётган талабалар учун контракт миқдорини стипендияли ёки стипендиясиз ҳолда тўловларни амалга ошириш ипмконияти мавжуд.

 

Стипендиясиз қиймат миқдорлари, Ҳар ойлик талабага тўланиши белгиланаётган 400 000 сўм, бир йилда жами 4 800 000 сўмни чегириб ташлаш ҳисобига шакллантирилади.

Мисол учун, Бакалавриатнинг Енгил-саноат йўналиши бўйича тўлов-контракт асосида таҳсил оладиган талаба 2019/2020 ўқув йилидан бошлаб, қуйидаги тартибда тўловларни амалга ошириши мумкин:

  • Стипендия билан – 10 792 960 сўм (Меҳнатга ҳақ тўлашнинг энг кам миқдорига нисбатан 17 баробарида).
  • Стипендиясиз – 5 992 960 сўм (10 792 960 сўм –  4 800 000 сўм)

Меҳнатга ҳақ тўлашнинг энг кам миқдори 2019 йил 1 августдан бошлаб — 634 880 сўм этиб белгиланган. (Асос: Ўзбекистони Республикаси Президентнинг 2019 йил 12 июлдаги ПФ-5765 – сон Фармони).

2019/2020 ўқув йилидан бошлаб тўлов-контракт асосида таҳсил олаётган талабаларга ойлик тўланадиган стипендия миқдори 400 000 сўм этиб белгиланади.

 

 

Бунга қадар давлат гранти ва тўлов-контракт асосида ўқийдиган талабаларнинг стипендияси бир-биридан фарқланмас эди. Талабалар ўзлаштирган баҳосига қараб юқори ёки паст белгиланган миқорда стипендия олишарди.

Энди янги ўқув йилидан бу тартиб ўзгаради ва контрактда ўқийдиган талабаларнинг стипендияси 400 000 сўмга туширилади.

 

 

Read more...

Институтда илмий-тадқиқот ва инновацион фаолият янгиликлари

Институтда илмий-тадқиқот ва инновацион фаолият янгиликлари

 

Институт олимлари томонидан 2019 йилнинг дастлабки чорагида 3 номдаги 27,0 млн.сўмлик хўжалик шартномалари асосида тадқиқотлар олиб борилган бўлса, 2- ва 3 – чоракларда улар 32 номдаги 199,0 млн.сўмлик қийматига қадар ўсди.

Илмий-тадқиқот ва инновацион фаолиятлар натижалари бўйича жорий йилнинг 1 чорагида 85 номдаги илмий ишлар натижалари эълон қилинди, 2019 йилнинг 2 чорагидан бошлаб эса, 135 номдаги илмий ишлар эълон қилинган. Чоп этилган монографиялар сони 2019 йилнинг апрель ойидан бошлаб 12 тани ташкил этмоқда, улар орасида АҚШнинг Каролина штати Open Science Publishing/Raleigh, Германиянинг LAP-Lambert Academic Publishing каби нуфузли хорижий нашрларда чоп этилган монографиялар ҳам мавжуд. “Scopus”,  “Web of Science”  ва “ScienceDirect” каби илмий базаларга кирувчи нуфузли халқаро илмий-техник журналларида жами 7 нафар профессор-ўқитувчилар илмий мақолалар  чоп эттиришди.

Интеллектуал мулк агентлигидан олинган патентлар сони 5 тани (2018 йилда 6 та), муаллифлик гувоҳномалари эса, 21 тани (2018 йилда 10 та) ташкил этган.

2019 йилнинг апрель ойидан бошлаб 1 нафар фан докторлиги  (“Олий математика” кафедрасидан М.Х.Тешаев) ва 6 нафар фалсафа докторлиги (О.И. Ражабов, Д.А. Сайфуллаева, Ш.О.Тошев, Қ.С. Рахмонов, Б.Б. Садуллаев, Т.Х.Жўраевлар) ҳимоялари бўлиб ўтди. Улардан таянч докторантлар О.И. Ражабов ва Д.А. Сайфуллаевалар ўз диссертацияларини муддатидан илгари ҳимоя қилишди.

Европа Иттифоқи Эрасмус+ дастурининг 2019 йил учун эълон қилган танловида “Олий таълим салоҳиятини ошириш” йўналиши бўйича институтимиз иштирокида топширилган лойиҳа танловдан муваффақиятли ўтди, шунингдек, профессор-ўқитувчилар малакасини ошириш ва талабаларнинг хорижда таълимини амалга ошириш бўйича Испаниянинг Гранада университети билан топширилган “Кредит мобиллик” йўналиши бўйича лойиҳа ҳам танловдан ўтди.

 

 

Read more...

Бўлажак муҳандислар -“ЁШ АЛОҚАЧИ” ОРОМГОҲИда

Бўлажак муҳандислар -“ЁШ АЛОҚАЧИ”  ОРОМГОҲИда

 

Институтнинг “Механика” факультети талабалари ва факультет декани доцент Шуҳрат Мурадов рахбарлигида Бухоро шаҳрида жойлашган  “Ёш алоқачи” болалар оромгоҳида Ёшлар маънавиятини юксалтириш ва уларнинг бўш вақтини мазмунли ташкил этиш бўйича 5та муҳим ташаббус доирасида қўшма тадбир ташкил этилди.

 

Кун тартибидаги биринчи масала юзасидан  факультет декани Ш.Муродов сўзга чиқиб, оромгоҳ болаларини мустақиллигимизнинг 28 йиллиги билан чин дилдан табриклаб, уларнинг келгусидаги ўқишларига каттадан-катта зафарлар тилаб, болаларнинг оромгоҳда дам олиш вақтларини қай тарзда ўтказаётганликлари билан қизиқди. Суҳбат давомида 5 та ташаббус доирасида болаларни санъат, мусиқа, тасвирий санъат ҳамда китобхонликка бўлган қизиқишлари билан ўртоқлашди. Шундан сўнг тадбирнинг асосий қисми Ўзбекистон Республикаси Мадҳияси билан бошланди.

 

“Механика” факультетининг “Муҳандис” сатира ва юмор театри гуруҳи раҳбари Шерзод Ахмедов оромгоҳ тарбияланувчиларини табриклаб,  улар билан ёшлар маънавиятини юксалтириш ва уларнинг бўш вақтини мазмунли ташкил этиш бўйича 5 та муҳим ташаббус доирасида савол – жавоб ўтказди.

 

 

I-ташаббус бўйича 18-18 АРХ гуруҳ талабаласи Шахзода Файзуллаева оромгоҳ тарбияланувчиларига “Жонажон Ўзбекистоним, мангу бўл омон” мавзусида ўзининг санъатини намойиш қилди. Шу гурух талабаларидан яна бири – Амирбек Орипов тасвирий санъат йўналишида болаларга “Мастер класс” дарсини ўтди.  Театр жамоаси ўзларининг бошқа саҳна чиқишлари билан оромгоҳ тарбияланувчиларини мамнун қилишди. Тадбир талабалар ва оромгоҳ тарбияланувчилари ижросидаги қўшиқларга уланиб кетди. Шундан сўнг болалар  эркин мавзуда ўз иқтидорларини намойиш қилдилар. Фаол тарбияланувчилар фахрий ёрлиқлар билан тақдирландилар.

 

 

IV-ташаббус доирасида факультет ёшлар билан ишлаш бўйича декан ўринбосари Қ.Ю.Махмудов сўзга чиқиб оромгоҳ тарбияланувчиларига китобни севиб ўқишимиз бизга қанчалик муҳимлиги, илмли инсонни ҳеч бир куч енголмаслиги, китобхонлик бу шунчаки китобни севиш, ўрганиш, ёхуд маънавий-маърифий озуқа олишгина эмас, балки ёшларни камолот чўққисига олиб чиқувчи муҳим омил эканлиги ҳақида гапирди ва оромгоҳ тарбияланувчиларига факультет талабалари томонидан китоблар совға қилинди.

 

 

 

Read more...

Бухоро муҳандислик – технология институтида байрам тадбири

Барча таълим муассасаларида бўлгани каби Ўзбекистон Республикаси мустақиллигининг 28 йиллиги Бухоро муҳандислик – технология институтида ҳам кенг нишонланди. Истиқлол йилларида иқтисодиётимизнинг барча соҳаларида амалга оширилаётган иқтисодий ислоҳотлар ва демократик янгиланишлар инсон манфаатларига хизмат қилаётгани алоҳида таъкидланди. Биргина шу жиҳатнинг ўзиёқ мустақилликнинг қадр-қиммати ва аҳамияти нақадар юксак эканлигидан далолат бериб турибди. Хусусан, келажак авлоднинг ҳар томонлама баркамол улғайиши, замонавий билимларни пухта ўзлаштириши, истеъдод ва салоҳиятини тўла намоён этиши учун яратилган барча шарт-шароитлар  ҳам аслида Мустаққиллик яратиб берган имконият натижасидир.

Институтда янги 2019–2020 ўқув йили
4 сентябр куни   “Жонажон Ўзбекистоним, мангу бўл омон!”  деган бош ғояни ўзида мужассам этган байрам тадбири билан бошланди. Тадбирда  интитутнинг 350 нафар профессор-ўқитувчилари, 3045 нафар талабалари, 50 нафарга яқин ота-оналар ва ишлаб чиқариш корхона вакиллари иштирок этишди.

-Бу йилги байрам тантаналарига “Жонажон Ўзбекистоним мангу бўл омон!” деган ғоя кўтаринки руҳ берди. Давлатимиз раҳбарининг “Ўзбекистон Республикаси давлат мустақиллигининг йигирма саккиз йиллик байрамига тайёргарлик кўриш ва уни ўтказиш тўғрисида”ги қарори халқимизнинг қалбига ажиб бир маънавий ҳарорат бахш этди, -дейди         Бухоро муҳандислик технология институти ректори Нусратилла Баракаев. Шунингдек тадбирда сўз олганлар юртимизда хукм сураётган тинчлик ва тотувлик халқимизнинг фаровон ҳаётини, мамлакатимизнинг изчил тараққиётини, халқаро ҳамжамиятдаги ўрни ҳамда мавқеини мустахкамлашга хизмат қилаётгани, бу жараёнда ёшларнинг ҳам муносиб ҳиссаси бўлмоғи лозимлигини алоҳида таъкидлашди. Ёшларни истиқлол неъматларига шукроналик руҳида тарбиялаш, уларнинг жисмонан ва маънан етук инсонлар бўлиб етишишлари, Ватан ҳимояси учун доимо шай туришлари зарурлиги уқтирилди. Олийгоҳда бундай тадбирларни мунтазам ташкил этиш талаба ёшлар қалбида ватанпарварлик  туйғуларини уйғотади ҳамда мустақилиикнинг олий неъматлиги ва бундай жаннатмакон юртда яшаш ҳар бир инсон учун олий бахт эканлигини англатишга хизмат қилади.

Тадбир кунида институтнинг “Кимёвий ва озиқ-овқат технологияси” факультети талабаси,  “Ягонасан муқаддас Ватан!” кўрик-танлови ғолиби Беҳруз Раҳмонов томонидан ижро этилган “Она Ватан” номли қўшиқ тадбир иштирокчиларига янада хуш кайфият бағишлади.

Ёшлар билан ишлаш бўйича проректор  Рауф Хаитов.

 

 

 

Бухоро муҳандислик-технология институтида Ўзбекистон Республикаси мустақиллигининг 28 йиллиги муносабати билан “Жонажон Ўзбекистоним, мангу бўл омон!” шиори остида ўтказилган тантанали тадбирдан фотолавҳалар.

 

 

 

 

 

 

Read more...

Ma’naviyat va ma’rifat fidoyilari kuch sinashishdi

Маънавият ва маърифат фидойилари куч синашишди

Buxoro.uz

Республика Маънавият ва маърифат маркази Бухоро вилоят бўлими, “Маърифат” тарғиботчилар жамияти билан ҳамкорликда Ўзбекистон Республикаси Президентининг 2019 йил 3 майдаги “Маънавий-маърифий ишлар самарадорлигини ошириш бўйича қўшимча чора-тадбирлар тўғрисида”ги қарори ҳамда Ўзбекистон Республикаси давлат мустақиллигининг йигирма саккиз йиллик байрами муносабати билан ўтказилган “Йилнинг энг фаол маънавият тарғиботчиси” ва “Маърифат зиёлилари” кўрик-танловининг вилоят босқичи бўлиб ўтди.

Buxoro.uz

Унда кўрик-танловларнинг шаҳар ва туман босқичларида фахрли ўринларни эгаллаган 26 нафар иштирокчи қатнашди. Қизғин баҳс ва мунозаралар остида ўтган тадбирда маънавият тарғиботчилари, зиёлиларнинг ижтимоий-сиёсий, маънавий-маърифий фаолиятларига оид фикр-мулоҳазалари тингланди. Шунингдек, иштирокчиларнинг миллий ғоя тарғиботи ва маънавий-маърифий ишлар бўйича фаолиятига доир дастурлари ҳамда улар ижроси, ўтказган тадбирлари ранг-баранглиги, долзарблиги таҳлил этилди. Уларнинг нутқий маҳорати баҳоланди.

Buxoro.uz
Buxoro.uz
Buxoro.uz

Якуний натижаларга кўра, “Йилнинг энг фаол маънавият тарғиботчиси” танлови бўйича олий ўринни БухДУ ўқитувчиси Лазиз Олимов эгаллади. 1-ўрин Вобкент туманидаги 42-умумтаълим мактаби ўқитувчиси Нигина Саъдуллаевага насиб этган бўлса, 2-ўринга Жондор туманидаги 46-умумтаълим мактаби ўқитувчиси Роҳила Бозорова муносиб, деб топилди. Пешкў туман Афшона тиббиёт коллежи маънавиятчиси Мубин Раҳимов 3-ўринга сазовор бўлди.

Buxoro.uz
Buxoro.uz

“Маърифат зиёлилари” танлови бўйича эса олий ўрин БухМТИ ўқитувчиси Мавлуда Раҳмоновага насиб этди. Ушбу йўналишда 1-ўринни Ромитан туманидаги 5-умумтаълим мактаби ўқитувчиси Дилдора Андаева,  2-ўринни Қоровулбозор туманидаги 7-умумтаълим мактаби маънавиятчиси Дилдора Раҳматова, 3-ўринни эса Шофиркон туманидаги 48-умумтаълим мактаби ўқитувчиси Бахтиёр Тўлаев эгаллади. Ғолибларга Маънавият ва маърифат маркази вилоят бўлими ҳамда “Маърифат” тарғиботчилар жамияти томонидан диплом ва эсталик совғалари топширилди. Ҳар икки йўналишдаги олий ўрин соҳиблари кўрик-танловларнинг республика босқичда иштирок этиш ҳуқуқини ҳам қўлга киритдилар.

Buxoro.uz
Buxoro.uz

Вилоят ҳокимлиги аппарати ахборот хизмати  

Read more...